Samarqand – imkoniyatlar, hamkorlik va tadbirkorlik maydoni!
Yoshlar Tadbirkorligini Rivojilantirish Jamg'armasi
Samarqand – imkoniyatlar, hamkorlik va tadbirkorlik maydoni!⚡️Samarqand viloyatida o‘tkazilgan Yoshlar tashabbuslari marafoni minglab yoshlarni bir maydonda jamlab, ularga yangi bilim, tajriba va imkoniyatlar eshigini ochdi. Marafon doirasida quyidagi asosiy voqealar bo‘lib o‘tdi:✔️Yoshlar ishlari agentligi direktori Alisher Sa’dullayev hamda tadbirkorlar ishtirokida ochiq muloqot tashkil etildi. Uchrashuv davomida yoshlarni qiziqtirgan savollar muhokama qilinib, yangi tashabbuslar va biznes g‘oyalar yuzasidan fikr almashildi.✔️Marafon ishtirokchilariga jamg‘arma tomonidan amalga oshirilayotgan loyihalar, qo‘llab-quvvatlash mexanizmlari va yoshlar uchun yaratilayotgan imkoniyatlar haqida batafsil ma’lumot berildi.✔️“Ko‘mak” loyihasi foydalanuvchilari uchun maxsus treninglar va networking hududi tashkil etildi. Ishtirokchilar o‘zaro tajriba almashib, yangi hamkorlik aloqalarini yo‘lga qo‘yish imkoniyatiga ega bo‘ldilar.✔️Marafonning yuqori saviyada tashkil etilishida O‘zbe, Click TV, Alpa Print, Bellissimo va Safia hamkorlari faol ishtirok etdilar.✔️Mahalliy biznes vakillari o‘z mahsulotlari va faoliyatlarini namoyish etdilar. Jumladan, “Tolib Holva” brendi asoschisi Shaxboz Aslamjanov hamda “Shirinkent Don” un mahsulotlari ishlab chiqaruvchisi Eldor Murotov o‘z tajribalari va mahsulotlarini taqdim etdilar.✔️Tadbir davomida ishtirokchilar uchun qiziqarli va interaktiv o‘yinlar, fikrlash va hamkorlikda ishlashni rag‘batlantiruvchi mashg‘ulotlar va esdalik sovg‘alari tashkil etildi.Samarqand viloyatidagi marafon yana bir bor yoshlarning tashabbuslari, tadbirkorlikka bo‘lgan qiziqishi va ulkan salohiyatini namoyon etdi.Biz esa yangi manzillar, yangi g‘oyalar va yangi imkoniyatlar sari yo‘l olishda davom etamiz!
